جریان مخالف دولت تاجیکستان درباره افغانستان بیانیه صادر کرد
سه شنبه ۲ سنبله ۱۴۰۰ ساعت ۰۹:۱۳
پیمان ملی تاجیکستان، یک سازمان مربوط به مخالفین تاجیک که فعالیتش در این کشور ممنوع است، از وضعیت افغانستان ابراز نگرانی کرده است.
به گزارش خبرگزاری جمهور؛ در بیانیه این سازمان که اخیراً به نشر رسیده است، تحقق ثبات و امنیت در افغانستان برای کشورهای منطقه مهم خوانده شده است.
پیمان ملی تاجیکستان اظهار امیدواری کرده که در افغانستان یک حکومت شامل همه گروهها و قومها ایجاد شود و خلاء حکومتی هر چه زودتر به پایان برسد.
به گفته پیمان ملی تاجیکستان، در "20 سال گذشته ملت شریف و برادر افغان در مسائلی به مثل آزادی بیان، تأمین حقوق و آزادیهای شهروندان، به ویژه زنان دستاوردهای مهمی داشته است. حفظ این دست اوردها در آینده برای تأمین صلح و ثبات در این کشور و منطقه مهم است."
در پیمان ملی تاجیکستان، انجمن آزاداندیشان تاجیک، جنبش اصلاحات و رشد، انجمن مهاجرین آسیای مرکزی و حزب در تاجیکستان ممنوع نهضت اسلامی عضویت دارند. همه این سازمانها در خارج از تاجیکستان فعالیت می‌کنند.
خبرگزاری جمهور- کابل
کد مطلب: 141911
