وزارت دفاع حکومت سرپرست طالبان اعلام کرده که پنج پیلوت دولت پیشین افغانستان دوباره به وظایف شان برگشته اند.

به گزارش خبرگزاری جمهور؛ این وزارت اعلام کرده که پیلوت‌های یاد شده با تلاش‌ها و تشویق مسئولان حکومت سرپرست طالبان دوباره به کشور و وظایف شان برگشته‌اند.

مقام‌های وزارت دفاع ملی به خبرگزاری باختر گفته اند که آنها در تلاشند تا کدرها و پرسونل مسلکی وزارت دفاع ملی به وظایف‌شان برگردند.

این در حالی است که پس از سقوط دولت پیشین، اکثر پیلوت ها نیز به تاجیکستان و اوزبیکستان و از آنجا به امارات و قطر منتقل شدند.

گفته می‌شود که پیلوت‌ها در این مسیر با سختی‌های زیاد و بازداشت توسط دولت های تاجیکستان و اوزبیکستان مواجه شده و زجر زیادی کشیده اند.

خبرگزاری جمهور- کابل