د افغان سولې لپاره د امریکا ځانګړی استازی زلمي خلیلزاد او ورسره امریکايي پلاوی کابل ته رارسېدلی او ولسمشر غني ورسره لیدلي دی.
د جمهور آژانس د خبر له مخې ارګ وايي، ولسمشر غني نن یکشنبې د غبرګولي ۱۶ مه له غرمې مخکې د خلیلزاد په مشرۍ د امریکا د بین الوزارتي پلاوی سره ارګ کې کتلي دي.
سرچینه وایي، په دغه لیدنه کې دواړو لورو د همکاریو پر پراختیا، د سیاسي او دیپلوماتیکو اړیکو پر دوام، امنیتي او دفاعي او اقتصادي برخو کې د همکاریو پر پراختیا خبرې اترې وکړې.
امریکايي پلاوي د افغان امنیتي او دفاعي ځواکونو سره د امریکا متحده ایالاتو د ۳.۳ میلیارد کلنۍ مرستې یادونې سره د افغان امنیتي او دفاعي ځواکونو له ملاتړ، اقتصادي او بشري حقونو برخه کې د همکاریو او مرستو څخه ډاډ ورکړ.
دغه پلاوي ویلي، دوی د یوه خپلواک، یو موټي، بې پرې، دیموکراتیک او سوله ییز افغانستان غوښتونکي او په دې برخه کې هڅه کوي، چې د تېرو دوه لسیزو لاس ته راوڼې خوندي وساتل شي.
ارګ وايي، د لیدنې په پای کې دواړو لورو د همکاریو په پراختیا، د سیاسي، اقتصادي، دیپلوماتیکو او امنیتي اړیکو پر دوام ټینګار وکړ.
سرچینه وايي، د له امریکایي پلاوی سره به د افغان ځواکونو د ملاتړ او د بشري حقونو او اقتصاد په برخه کې د همکاریو او مرستو په اړه راتلونکې کې هم بحثونه دوام ولري.
په ورته وخت کې سپېدار هم ویلي، چې د ملي روغې جوړې عالي شورا مشر ډاکتر عبدالله عبدالله هم له خلیلزاد او وسره پلاوي سره لیدنه کړې ده.
عبدالله هم له خلیلزاد او امریکايي پلاوي سره د افغان سولې، ترهګرۍ سره د مبارزې، له افغان ځواکونو د امریکا د ملاتړ، په سیاسي، اقتصادي او دیپلوماتیکو برخو کې د اړیکو په پراختیا او ځینو نورو موضوعاتو خبرې اترې کړې دي.
سپدار د خلیلزاد له قوله ویلي، چې امریکا له افغانستان سره د ترهګرۍ سره د مبارزې او د افغان ځواکونو د ملاتړ په برخه کې پر خپلو ژمنو ولاړه ده.
خلیزاد دا هم ویلي، چې امریکا د افغانستان د سولې پروسې څخه هم پرېکنده ملاتړ کوي او دغه سولې د رامنځ ته کېدو لپاره د نړیوالې او سیمه ییزې اجماع په لټه کې ده.
نوموړي د افغان سیاسیون او خلکو تر منځ د یووالي څخه هم ملاتړ کړی ویلي یې دي، چې د سیاسیون، چارواکو او خلکو یووالی کولی شي، د سولې پروسه کې د افغانستان ځای قوي کړي.
د افغان سولې لپاره د امریکا ځانګړي استازي زلمي خلیلزاد او ورسره پلاوی ویلي، نور وخت د دې دی، چې د جګړې ښکېلې غاړې تاوتریخوالی کم کړي، جګړه ودروي او د سولې مانا او پایلې لرونکې خبرې اترې پیل کړي.
جمهورخبري آژانس:کابل
