رویټرز اژانس راپور ورکړی دی چې ملګري ملتونه په پام کې لري، پر اړمنو افغانانو ۳۰۰ میلیونه ډالر نغدي مرسته و وېشي.

د جمهور آژانس د خبر له مخې راپور کې ویل شوي، له دغې مرستې به ډېری اړمن افغانان په مستقیمه توګه برخمن شي او دغه راز به افغانستان له یو ستر اقتصادي ناورین څخه وژغوري.

راپور کاږي، دغه ۳۰۰ میلیونه ډالر نغدي مرسته به د کار په بدل کې پر جګړه ځپلو او هغو افغانانو و وېشل شي چې له اقتصادي ستونزو سره لاس او ګریوان دي.

د ویلو ده ملګرو ملتونو دغه تصمیم وروسته تر هغه چې ملګرو ملتونو او یو شمېر نورو بنسټونو په افغانستان کې د لوږې پر زیاتېدو اندېښنه څرګنده کړه نیولی دی.

جمهورخبري آژانس:کابل