په غور ولایت کې امنیتي سرچینې وايي، چې د دغه ولایت په مرکز فیروزکوه ښار کې د طالبانو یوه پوځي چورلکه نسکوره شوې ده.

د سرچينې د معلوماتو له مخې، دغه چورلکه نن چهارشنبه د ثور په ٢٦مه د سلطان شهاب الدين غوري لېسې ودانۍ ته څېرمه لوېدلې ده.

ويل کيږي چې دغه هليکوپتر نن سهار له هرات څخه د فيروزکوه ښار په لور روان شوى دى.

تر اوسه د دې پېښې د احتمالي مرګ ژوبلې په اړه جزئیات نشته.

طالبانو په دې اړه څه نه دي ویلي.

جمهورخبري آژانس