په کندهار کې ځايي سرچينې وايي، چې په کندهار ښار کې سخته اور لګېدنه رامنځته شوې ده.

د سرچينې د معلوماتو له مخې، دغه اورلګېدنه نن د تلې په ٢٥مه، د کندهار ښار د پنځمې ناحيې اړوند د "بوش" په بازار کې شوې ده.

سرچينې زياته کړې، که څه هم د اور لګېدنې له امله د اوښتو زيانونو کره شمېره نه ده معلومه. خو سوداګر وايي، چې په دې اور لګېدنه کې شاوخوا پنځوس میلیونه افغانۍ سوداګریز مالونه سوځېدلي دي.

په دې اور لګېدنه کې د مرګ ژوبلې راپور نه دی ورکړل شوی.

تر اوسه د دغې اورلګېدنې لامل نه دی روښانه شوی.

جمهورخبري آژانس