د لبنان حزب الله د صهیونیسټ رژیم د لومړی وزیر بنیامین نتانیاهو په کور د بې پیلوټه الوتکې د حملې مسوولیت په غاړه واخیست.

د لبنان د حزب الله د رسنیو مسوول محمد عفیف د سه شنبې په ورځ د عقرب په لومړۍ نېټه اعلان وکړ چې حزب الله په قیصاریه ښار کې د دې عملیاتو "بشپړ مسوولیت" په غاړه اخلي.

د لبنان د حزب الله ډرون حمله د اکتوبر په ٢١مه نېټه د شنبې په ورځ وشوه او د اسرائيلو د رژيم لومړی وزير او د هغه مېرمن د پېښې په وخت په کور کې نه وو او چا ته پکې زيان نه دی رسېدلی.

نتانیاهو دا د ډرون برید "د ځان د وژلو هڅه" بللې او د دې برید په ځواب کې یې ویلي: "د حزب الله هڅه، د ایران د نیابتي ځواک په توګه، زما او زما د مېرمنې د وژلو لپاره لویه تېروتنه وه." د نیواکګر رژیم لومړي وزیر هم ګواښ کړی چې د دغه برید مسؤل کسان به «درانه بیه» ورکړي.

جمهورخبري آژآنس