د هند سوداګریز کرکټ لیګ (ای پي ایل) د بولۍ یا د لوبغاړو د پېر مراسم نن د نومبر په ۲۴مه نېټه پیليږي.

د جمهور آژانس د خبر له مخې د هندکرکټ بورډ خبر ورکړی، چې سږکال د بولۍ مراسم د سعودي عربستان په پلازمېنې ریاض کې ترسره کیږي.

دغه مراسم نن او سبا د ۲ ورځو لپاره ترسره کیږي.

په‌‌دې بولۍ کې ۵۷۴ هندي او بهرني لوبغاړي وړاندې کېږي، چې له ډلې یې اتلس افغان لوبغاړي دي.

د ای ‌پي‌ایل لس لوبډلې به د یادو لوبغاړو له ډلې ۷۰ بهرني او ۱۳۴ هندي لوبغاړي وپېري.

د یادولو وړ ده، چې راشدخان یوازینی هغه افغان لوبغاړی دی، چې د ګجرات ټایټنز لوبډلې له بولۍ وړاندې ځان سره د ۱۸ کروړه هندي روپیو په بدل کې ساتلی دی.

جمهورخبري آژانس