د طالبانو د صنعت او سوداګرۍ وزارت ویلي، د روان هجري لمریز کال په ۱۱ میاشتو کې، څه باندې زر ټنه جلغوزي نورو هېوادونو ته صادرې شوې دي.

د صنعت او سوداګرۍ وزارت د دغو صادرو شویو جلغوزیو ټول ارزښت څه باندې ۱۴ میلیونه ډالره بولي.

د دغه وزارت د معلوماتو له مخې، د تېر کال د همدې مودې په پرتله، سږ کال د جلغوزیو په صادراتو کې یو څه کمښت راغلی دی. د صنعت او سوداګرۍ وزارت د معلوماتو له مخې، چین، پاکستان عربي متحده امارات، امریکا، اردن، اتریش، ایټالیا، بریټانیا او فرانسه د افغانستان د جلغوزیو تر ټولو مهم پېردونکي پاتې شوي دي.

د دغه وزارت شمېرې ښيي، چې افغانستان د روان لمریز کال په یوولسو میاشتو کې، ۱۱۱۷ ټنه جلغوزي نورو هېوادونو ته صادر کړي، خو دا اندازه د تېر کال په ورته موده کې، ۲۱۰۲ ټنه وه.

جمهورخبري آژانس