په لغمان کې د يوې ترافيکي پېښې له امله پنځه تنه مړه او ټپيان شول

په لغمان کې ځايي سرچينې وايي، چې په لغمان ولايت کې د يوې ترافيکي پېښې له امله پنځو تنو ته مرګ ژوبله اوښتې ده.

د سرچينې د معلوماتو له مخې، دغه پېښه تېر مازديګر د تلې په ٢٢مه د لغمان ولايت د قرغيو ولسوالۍ په "مشلي کمر" سيمه کې رامنځته شوې ده. په دې پېښه کې ۳ تنه مړه او دوه نور ټپیان شوي دي.

دا په داسې حال کې ده، چې د کابل – جلال اباد پر لويه لاره د يوې بلې پېښې له امله دوه تنه وژل شوي دي.

د دې پېښو لامل د موټر چلوونکو بې احتیاطي بلل کېږي.

جمهورخبري آژانس