یونسکو د افغان ښځو او نجونو د حقونو پر بیا رغونه ټینګار کوي

د ملګرو ملتونو تعلیمي او کلتوري سازمان (یونیسکو) د افغان ښځو او نجونو د حقونو پر بیا رغولو ټینګار وکړ.

د جمهور اژانس د راپور له مخې، د ملګرو ملتونو د تعلیمي، علمي او کلتوري سازمان (یونیسکو) چارواکو نن، شنبه (د مارچ ۸مه)، د ښځو د نړیوالې ورځې په مناسبت، د سازمان په پاڼه کې په هیواد کې د ښځو او نجونو د غږ پورته کولو او د هغوی د حقونو او آزادیو د ډاډمن کولو پر اړتیا ټینګار وکړ.

دې نړیوال سازمان په افغانستان کې د ښځو او نجونو د حقونو د بیا رغونې غوښتنه کړې ده.

د یادونې وړ ده چې په افغانستان کې د طالبانو د واکمنۍ سره، ښځې له دریو کلونو څخه زیات له خپلو اساسي حقونو څخه بې برخې دي.

د مارچ اتمه هر کال د ښځو د پیوستون د نړیوالې ورځې په توګه لمانځل کیږي، خو افغان ښځې د داسې ورځې د لمانځلو حق نلري.

جمهورخبري آژانس